Правобразамі гербаў з'яўляюцца знакі і эмблемы, што з'явіліся задоўга да ўзнікнення хрысціянства. У Грэцыі і Рыме, таксама як у старажытных персаў, егіпцян, мідзян і іншых народаў старажытнасці, сустракаюцца знакі, што паўтараюцца на воінскіх знаках адрознення, сцягах, атрыбутах улады. 

Афіцыйныя геральдычныя знакі заўсёды займаюць адмысловае месца ў любой дзяржаве, бо з'яўляюцца адным з асноўных сродкаў выражэння дзяржаўнай і нацыянальнай ідэалогіі і культуры, своеасаблівым "увасабленнем" краіны. Для грамадства з багатай гісторыяй, якое шануе свае адметныя знакі, гэта - палітычны, ідэалагічны і сацыяльна-культурны капітал усёй дзяржавы, усёй нацыі.